Colombia i FARC a firma akuerdo nobo di pas.


Tin un akuerdo nobo firmá dor di gobièrnu kolombiano i e FARC (Fuerzas Armadas Revolucionarias de Colombia). Den e referèndum ku a tuma lugá resien, pueblo a rechasá e konbenio anterior ku gobièrnu kolombiano a firma ku e rebeldenan.

E akuerdo nobo lo no keda integrá den konstitushon di e pais, pues e ta vulnerabel pa kambionan. Durante e seremonia i den presensiá di vários dignatario, tantu presidente Juan Manuel Santos komo e lider di FARC, Londoño a papia. E motibu prinsipal di kon pueblo a rechasá e promé akuerdo, ta e echo ku den e akuerdo a akordá pa pordoná i eksonerá e rebeldenan di tur kulpabilidat pa tur e atentado, sekuestro i krímennan ku nan a kometé den pasado. No ta muchu konosí kon pueblo lo reakshoná awor riba e akuerdo nobo.