E mas resien enkuesta na Venezuela ku sigur 60.1% di venezolanonan, lo bai vota durante e próksimo elekshon dia 20 di mei awor. Nicolás Maduro, ta liderá e sondeo komo kandidato pa presidente ku 48.4%. Maduro ta kandidato pa e Frente Amplio de la Patria. E ta konta ku sosten mayoritario di votonan popular, Consejos Legislativos i Consejos Municipales. Esaki a sali na kla for di e di tres enkuesta nashonal ku Consultores 30.11 a realisá.
E di dos lugá ta okupá pa Henri Falcón, ku ta representá ‘Avanzada Profresista’. Falcón ta konta ku 36.3% di apoyo popular, mientras Javier Bertucci di ‘Esperanza por el Cambio’ ta na di tres lugá den enkuesta ku 11.3%
Mas aleu e enkuesta a indiká ku 60.1% di venezolanonan lo bai vota. 6.8% probablemente lo hasi uzo di nan derechi di voto. Riba e pregunta ken ta mas apto pa solushoná e problemanan ekonomiko ku e pais ta konfrontá, 40.6% a bisa Maduro. 31.9% ta haña Falcón, esun indiká pa saka e pais fo’i problema, mietras 11.7% ta haña Bertucci e kandidato apto.
Dia 20 di mei pueblo venezolano ta bai urna atrobe, pa elehí nan presidente.