E plataforma di komunikashon, WhatsApp lo haña un funshon di ‘stories’ kaminda usuarionan por dokumentá nan dia pa medio di potrèt i video. E funshon aki ta original di Snapchat ku Instagram tambe a tuma despues. Whatsapp a yama su funshon ‘Status’ i a kuminsá lansa esaki mundialmente. Usuarionan di e funshon ‘Status’, por haña e kònòpi lenks abou na e pantaya kaminda ántes por a mira kontaktonan faborito. Potrèt i videonan ku keda kompartí ta disparsé despues di 24 ora i por keda publiká na tur kontakto òf pa un grupo selektivo. Riba e potrèt i videonan, usarionan por agregá teksto i emoji meskos ku riba Snapchat i Instagram. Despues di ‘update’ Whatsapp e balki di nabegashon tambe ta keda adaptá. Doño di Whatsapp ku ta Facebook, tambe ta tèst un funshon similar riba e èpnan mobil di Facebook i Facebook Messenger.