Turismo na Fransia i Inglatera a baha.


Fransia i Inglatera a haña ménos turista e aña ku a pasa. Sinembargo kasi tur otro pais oropeo sí a konosé un kresementu den e kantidat di turistanan ku a keda drumi.

Den 2016 mas ku 2.8 mil mion hende a pasa nochi den hotèl, parke di fakansi i kampamentu den e Estado Oropeo. Esei ta mas o ménos 2 porshentu mas ku na aña 2015. Asina e sifranan nobo di e ofisina di statistik oropeo Eurostat ta indiká.

Na Fransia ku a keda asotá pa atakenan terorista, e kantidat di turistanan ku a pasa nochi a baha ku 5% te 395 mion. Na Inglatera, ku a sali for di EU, tabatin 292 mion hende ku a pasa nochi, loke ta un bahada di 4,5%.

Spaña tabata hopi gustá. Na kostanan i den interior di e pais un total di 454 mion hende ku a pasa nochi, loke ta un subida di 8% kompará ku e aña anterior.

E kresementu di mas grandi tabata na Bulgaria, ku a marka 18% plùs. Di Hulanda no tabatin datonan disponibel.