Produktornan di suku ta fadá ku ta pone nan produkto un banda komo si fuera ta venenu. “Nos tin hopi aña ta kome suku i awor di ripiente e ta venenu,” asina Dirk de Lugt, ku ta kultivadó di kaña di suku a bisa. E produktornan a bin huntu den un debate tokante suku na Den Haag, asina AD ta raportá. Albert Markusse, direktor di Suiker Unie, ku ta produktor di suku na Ulanda a bisa : ”Ta kupla nos di hopi kos. Semper ta kulpa di suku i nunka otro kaloria.” Na 1987 un hulandes tabata kome 128 gram di suku pa dia, binti aña despues e kantidat ta 6 gram ménos. Na 1987, 33% di e poblashon tabatin problema ku sobrepeso i awor ya esaki ta na 50%.
E organisashon di diabétis ku tambe tabata presente na e debate, no ta pro suku. Nan lo ta’tin gana di introdusí un impuesto riba suku, asina direktor di e organisashon, Hanneke Dessing a splika. “Esei tambe lo ta un señal na e konsumidónan pa paga tinu, esaki ta kontené hopi suku.”
Pa e sektor di suku, e solushon ta prinsipalmente den duna informashon. Nan no ta kere ku dor di uza ménos suku obligatoriamente, esei lo yuda. “Si bo ta haña ku bo mester usa ménos suku, bo tin ku hasié. Bo ta liber pa skohe,” asina Paul Mesters, teknólogo di komestibel a indiká. “Konsumidónan no mester mustra dede riba nos. Nos no ta entregá suku na industria di animalnan, sino lo kupla nos pa kachónan ku ta muchu gordo tambe.”