E preis di oro a subi na e nivel mas haltu den tres luna. For di momentu ku Donald Trump a bira presidente di Merka, invershonistanan a bira insigur. Pa e motibu ei ta opta pa kompra di oro. Den e siman akí, e preis di oro a yega 1235.85 dòler pa òns troy (igual na 31.1 gram). Durante e aña akí e preis di oro a subi kaba ku kasi 8 porshento. E subida di preis di oro ta kana paralèl ku e kaida den balor di dòler den e mesun temporada. Ekspertonan ta indiká ku e prospektonan pa oro ta keda insigur. Debí na e subida den interes na Merka próksimamente, e pedido pa oro lo baha.