Migrashon ta motibu prinsipal den kresementu di poblashon na Hulanda.


Entrante promé di yanüari 2017, Hulanda tin un poblashon di 17.1 mion habitante. Pues tin 110.000 hende mas ku e aña anterior. E kresementu ta prinsipalmente debí na migrashon. 88.000 migrante a stablesé nan mes den e pais. Pa loke ta kresementu natural, den e difernsia entre nasementu i fayesimentu a bin 22.000 hende aserka. Asina Centraal Bureau voor de Statistiek (CBS) a informá.

For di e sifranan di CBS ta resaltá ku 171.000 persona a nase na Hulanda i 149.000 a fayesé. 230.000 persona a drenta Hulanda via di migrashon i 141.000 persona a emigrá pa otro pais. E grupo mas grandi di migrantenan ta konsistí di sirionan. 25% di e kresementu di poblashon, ku ta 29.000 hende, ta kai bou di e grupo akí.

For di otro paisnan europeo, tin 25.000 migrante ku a drenta Hulanda. Prinsipalmente for di Polonia, ounke ku e fluho a krese ménos. Na 2014 kasi 15.000 polako a drenta Hulanda, miéntras ku na 2016, e kantidat tabata ménos, esta 9.000