A bende un poema ku Anne Frank a skibí na man, pa 140.000 euro. Esaki a tuma lugá den e kas di vindishi Bubb Kuyper na Haarlem. E vindishi a produsí entre 30.000 pa 50.000 euro. No ta konosí tampoko ken a kumpra e poema. Masha poko bia sa sosodé ku un manuskrito di Anne Frank ta bin riba merkado. E teksto a salí for di e album di poesia di Christiane van Maarsen (1927-2006), ku e ruman mayó di Jacqueline van Maarsen, ku ta e mihó amiga di Anne. Anne, di 12 aña, a skibi e verso na “Beste Cri-Cri” riba 8 di mart 1942, algun luna promé ku e famia a skonde den “Achterhuis”. E verso ta bisa: "Hebt ge uw werk niet goed gedaan, kostbare tijd verloren, grijp opnieuw de arbeid aan, beter dan te voren. Hebben anderen u gelaakt, wat ge hadt misdreven, zorg dan dat ge 't beter maakt, dat is antwoord geven." (tradukshon liber : Bo no a hasi bo trabou bon, tempu presioso pèrdí, bolbe kue trabou tene, mihó ku promé. Otronan a kondená bo, loke bo a hasi robes, sòru ku bo ta drecha esei, asina ta kontestá). Anne a firma e poema ku “Ter herinnering aan Anne Frank”. (tradukshon liber : komo rekuerdo na Anne Frank)