Dos partido a kanta viktoria den elekshon na Masedonia.


Den e resultadonan preliminar di e elekshon parlamentario na Masedonia, no a logra saka un ganadó definitivo ainda. Tantu e partido sosial demokrat komo partido sentro derechista ta eksigí e viktoria. E partido di èks promé minister Nikola Gruevski a tuma liderato, pero debí na 38 porshento pa VMRO-DPMNE kontra 36 porshento pa e sosial demokratnan SDSM di e lider di oposishon, Zoran Zaev, ainda no por indiká un ganadó apsoluto. Te den oranan di mardugá mardugá tabatin 85 porshento di votonan kontá.

E elekshon adelantá a keda posponé dos biaha kaba. E ta konsiderá e elekshon di mas importante den e último binti añanan. A tene elekshon bou di preshon fuerte di Merka i Union Europeo pa pone un fin na e krísis polítiko ku tin e pais paralisá, den e estado republikano, anterior Yugoslavia. Gruevski, mester a baha e aña aki, debí na di preshon di protestanan i un skandal pa skuchamentu di kòmbersashon skondí di su opositornan. E protestanan a keda alimentá dor di Zaev, ku a publiká dokumentonan tokante diferente kolaboradó i periodistanan di kuá tabata skucha nan kòmbersashonnan den skondí. Masedonia ta hunga un papel importante den e maneho di refugiadonan europeo. Gruevski ta responsabel pa e porta ku tin na frontera pa wanta refugiadonan afó. Si e gana elekshon, e porta ta keda ei. Zaevs su ponensia tokante maneho di refugiado ta mas tolerante i suave. Su prioridat ta pa Masedonia por drenta den Union Europeo.