Lider oposishon ta gana elekshon na Ghana.


Lider di oposishon, Nana Akufo-Addo a gana elekshonnan na Ghana. El a derotá e aktual presidente, John Mahama. E elekshonnan den e pais afrikano, a tuma lugá djarason 7 di desèmber, pero ta djabièrnè 9 di desèmber numa e resultado a keda publiká ofishalmente pa e komishon di elekshon. Mahama a aseptá su derota, asina e agensia di notisia Reuters a indiká.

Sostenedónan di e partido nobo di Akufo-Addo, Partido Patriótiko Nobo, a aklamá i baila den kayanan di e kapital Accra, na momentu ku a anunsiá e viktoria. Tabatin tambe masha pitamentu, tiramentu di klapchi i pagara durante e selebrashon.