A sera miles di wèpsait ku ta bende artíkulonan di imitá.


E organisashon di investigashon oropeo, Interpol a konfiská mas di 4500 nòmber di wèpsait. Via di e wèpsaitnan tabata bende produktonan di imitá. Servisionan di polis den 27 pais, entre nan Ulanda, tabata envolví den e akshon. Tabata usa e wèpsaitnan pa entre otro benta di produktonan di luho, artíkulonan di deporte i elektrónika. Te asina no tin detenshon i no tabatin entrada hudisial. Aña pasa kasi 1000 wèpsait a bai ‘offline’ den un akshon similar.

E kaso ta relashoná ku detenshonnan resien na Ulanda debí na negoshi den produktonan di imitashon. Den e dos simannan ku a pasa, polis na Ulanda a arestá diesdos persona pa motibu di nan negoshi ‘online’. FIOD, polis i duane a hasi e investigashon huntu.