Den 2016 ya outoridatnan chileño a registrá 85 kandela di mondi. E departamentu, “Dirección Meteorológica de Chile”, a atvertí ku e fin di siman aki un ola di kalor den e pais por bira pió. Outoridatnan di Chili a traha di forma kordiná pa kontené kandelanan di mondi kousá pa temperaturanan altu den e temporada aktual. Gobièrnu a mantené alerta kòrá den sinku zona pafó di e region metropolitana di Santiago, kapital di Chili. Aktividatnan di bombero, ehérsito, La Corporación Nacional Forestal (Conaf) i otro ekiponan di apoyo, a evitá ekspanshon di e kandelanan, ku a destruí míles de hèktar na Cuesta Lo Prado, Pudahuel Maipú, Lo Fontecilla i Lampa.
A registrá mas ku binti kandela grandi aktivo, di kuá ocho nan ta bringando ku nan pa paga i sobrá ta kontrolá. Outoridatnan chileño a mantené alerta kòrá den komunanan Lampa, Pirque, Maipú i Pudahuel, miéntras e regionnan metropolitano i Pichidegua i San Vicente tin Alerta Hel.