Mèksiko mester a liberá víktimanan di tortura seksual ku a sera inhustamente.


Un tribunal na e kapital di Mexico a liberá tres hende muhé ku a keda torturá pa miembronan di marina i ku a keda será den prizòn inhustamente durante di 5 aña a base di pruebanan falsu, asina Amnestia Internashonal a informá. Amnestia Internashonal a sigurá ku den luna di ougùstùs 2011, e muhénan a keda detené di un manera iregular pa elementonan di marina na Villahermosa ku ta keda den e parti sùitost di Méksiko. E muhénan a keda transladá pa un instalashon militar un tiki mas den parti nort na Veracruz. Einan a violá, humiá i maltratá nan ku tortura di koriente i di e manera ei a trata di involukrá nan den diferente delitonan. Amnestia Internashonal a indiká ku e tribunal a konsiderá ku e proseso penal tabata inhustu i di basá riba pruebanan falsu i p’esei a laga nan den libertat. Den un relato, e organisashon a señalá ku di 100 muhé mèksikano ku nan a entrevistá den prizòn, 72 a denunsiá ku nan tabata víktima di tortura seksual durante di nan detenshon.

Di desèmber 2006 pa òktober 2014 fiskalia general a registrá 4.055 denúnsia pa tortura, kasi un tersera parti di e denunsianan ta kontra miembronan di e Forsanan Armá di Mèksiko. Den e mésun periodo ei ta solamente 13 persona (polis i militarnan) a keda sentensiá.