Kompará ku dòler, e balor di euro a bolbe baha. Awor e moneda europeo a yega e balor mas abou for di komienso di e aña aki. Den e siman aki euro a yega un punto abou di 1.0728 dòler kontra 1.0840 dòler na sieré di e bolsa di balor europeo. Dia 6 di yanüari e aña aki tabata e último bia ku euro a baha tantu asina. Euro ta bou di preshon entre otro dor di ekspektativa relashoná ku desaroyonan na Merka. Promé ku elekshonnan na Merka a konta ku si Donald Trump lo a gana, esaki lo a trese hopi inkietut riba merkadonan i e reservanan merikano a planeá pa inkorporá un subida di interes a largo plaso. Dor di e reakshonnan benefisioso di e merkadonan despues di elekshon e pronóstiko aki a disparsé. Trump a primintí ku e lo hasi invershonnan kuantioso na e infrastruktura merikano i lo baha impuesto. E promesanan aki ta stimulá e pronóstiko ku inflashon lo subi formalmente den e añanan ku ta bini. Esaki lo nifiká ku interes lo subi mas lihé i mas tantu ku a pronostiká. E desaroyonan aki tur tin influensia aktualmente riba e balor di euro.