India ta start lucha kontra korupshon.


Promé minister Modi di India a deklará tur biyete di 1.000 i 500 rupi (masomenos 15 i 8 dòler) ilegal. E pais ta spera asina di por bai kontra korupshon. Esei Modi a laga sa den un diskurso na televishon, segun vários media. Habitantenan ta haña 50 dia di tempu pa kambia nan biyetenan na banko den papelnan nobo di 500 i 2000 rupi. E transakshonnan ta keda registrá na Servisio di Impuesto. E medida lo afektá prinsipalmente e rikunan, ku tin hopi sèn di papel wardá na kas, pa asina evadí impuesto. Korupshon ta un problema grandi na India. “Plaka pretu i korupshon ta e opstákulonan mas grandi pa por eradiká pobresa,” asina e Promé Minister a bisa den su diskurso. "Nos ekonomia ta krese hopi duru, pero ainda nos ta pará na posishon number 100 den paisnan korupto na mundu.”