China ta lansa fondo di invershon di 10 bion euro den Europa.


China a lanta un fondo di invershon di 10 bion euro pa finansiá proyektonan den Europa Sentral i Oriental. Promé Den e dianan tras di lomba, Minister Li Keqiang a lansa e fondo ofisialmente, na e siudat Riga di repúblika di Latva. (Letland). E banko di mas grandi na China, Industrial and Commercial Bank of China (ICBC), lo bai manehá e fondo. E fondo finalmente mester sòru, pa 50 bion euro keda invertí den infrastruktura, produskhon di teknologia altu i produktonan di konsumo. Ounke na promé instante e invershonnan ta dirigí riba paisnan den Europa Sentral i Oriental, e fondo lo bai atendé tambe ku proyektonan den otro pais, den kaso ku esakinan ta relevante pa aktividatnan chines. Según gobièrnu di China, aña pasá empresanan chines a invertí mas ku 5 bion dòler den e region.