Tur e 33 mineronan ku djaluna a keda changá den un mina di karbon na China a pèrdè na bida. - despues di un eksploshon di gas- a pèrdè nan bida.
Tabatin un eksploshon di gas den un mina di karbon den e siudat chines, Chongqing. Kolaboradónan di reskate, a bin haña e sobrá 15 minero morto. Promé ku esei ya kaba a haña 18 kurpa sin bida di mineronan ku tabata konsiderá komo pèrdí. Chongqing ta un siudat metropolitano den sùitwèst di China, kaminda miónes di habitante ta biba.
Investigashon preliminar ta indiká ku ta trata di un mina, di kuá nan a hancha e salidanan di forma ilegal. Banda di esaki, e mineronan, no tabatin ekipo apropiá ni rekurso huntu ku nan. Ta konsiderá minanan chines komo esnan mas peligroso na mundu. Tur aña míles di minero ta pèrdè nan bida. E motibu prinsipal ta e medidanan di seguridat defisiente ku tin den e minanan. China a anunsiá ku ta bai sera mil mina ku a bira opsoleto. E pais asiátiko na e momentu aki ta e produktor mas grandi di karbon.