Ta bai basha kas kaminda Hitler a nase, abou.


Ta bai basha e kas kaminda Adolf Hitler a nase, abou. Hitler a nase dia 20 di aprel 1889 den e edifisio bieu. E edifisio ta keda den e parti yamá Branau am Inn na Oustria. E minister oustriako pa Asuntunan di Interior, Wolfgang Sobotka, ta haña ku solamente lo mester bin un bòrchi ku splikashon di e sitio, riba e edifisio nobo. Di e forma aki Sobotka ta sigui e konseho di un komishon tokante e asuntu. Riba e lugá kaminda e edifiio bieu tabata, ta bini un instituto sosial òf un organisashon di estado. Asina ta kita tur rekuerdo pa ku e diktadó aleman. Hitler muri dia 30 di aprel 1945 den su shèlter na Berlin.