
Tenshon entre paisnan bisiña Pakistan i India ta krese mas i mas. India ta investigando si e por pone preshon riba Pakistan, pa loke ta asuntunan ekonómiko i diplomátiko. Ademas e pais ta konsiderando pa traha dam den riunan ku ta bai Pakistan. India a invadí basenan terorista den e teritorio Kashmir, ku ta kontrolá pa Pakistan. Segun India aki ta trein teroristanan pa kometé atakenan terorista na India. Pakistan ta desmentí esaki. Merka a hasi un yamado siman pasá, pa ámbos pais mantené kalma. E teritorio Kashmir ta unu kontroversial for di 1974 despues ku a partié den un parti hindú i unu islam. Pakistan ta praktiká protekshon riba e parti islam di e poblashon i ta akusá India di supreshon.