Mayoria di pueblo colombiano a vota NO den referendum. (VIDEO)


Ku 50.23% di voto pa NO i 49.76% di voto pa SI, e mayoria di pueblo na Colombia no a aseptá e akuerdo di pas ku resientemente gobièrnu di e pais a firma ku FARC. Ku praktikamente tur voto e kampo di NO tin vetaha ku ya no por ser alkansá. Mientras tantu simpatisantenan di e kampo di SI tabata tristu ku e resultado i a subi kaya. Presidente di Colombia Juan Manuel Santos a yama un reunion di urgensia ku su gabinete.

For di Cuba, e lider di FARC Timochenko a bisa Caracol den un promé reakshon ku nan lo mester analisá e aspektonan legal, promé ku por bisa algu konkreto. Fransisco Santos un di promotornan di NO a splika den un promé reakshon ku no por konsidera esaki komo un rechaso di pas, sino mas bien un deseo pa un pas real. El a urgi medionan di komunikashon pa no kai den pesimiso, pero pa sigui traha huntu pa duna garantianan real na FARC. E votadonan di NO tambe ke pas, pero un pas real.

Den un promé reakshon, Presidente Juan Manuel Santos a splika pueblo kolombiano ku e ta reokonosé e resultado i lo sigui hasi esfuerso pa yega na pas. El a primintí pueblo, ku e lo invitá e lidernan ku a promové NO den e referndum, pa un kumbre pa buska puntonan riba kua nan por yega na akuerdo ku otro. Mañan mes lo sali un delegashon pa Cuba pa informá FARC di e resultado, Santos a bisa.

E lider di e grupo gueriyero FARC a papia via Radio Caracol ku pueblo kolombiano. “FARC lo sigui usa solamente palabra komo arma i na e pueblo kolombiano ku ta soña ku pas, konta ku nos,” asina e lider di FARC, Timochenko a bisa den un promé reakshon for di Havana Cuba kaminda e referèndum.