Efteling probablemente ophetivo di un atake di IS.


Parke di atrakshon Efteling posiblemente tabata ophetivo di un atake di Estado Islamita (IS). Na yüni polis a detené un muhé di Werkendam, ku ta simpatisá e grupo terorista. E muhé huntu ku otronan lo tabata planeá un atake terorista riba Efteling. For di investigashon a sali ku e muhé di 25 aña kier a biaha pa Siria i e intenshon tabata pa e kasa ku un kombatiente di IS. Esaki, segun BN DeStem. Sin embargo a detené i a haña mensahenan den su telefon di teroristanan ku tabata na kaminda di Ulanda i Bèlgika pa ehekutá e atakenan. E muhé tabatin kombersashon ku simpatisantenan pa un atake na Efteling. Den e mensahenan ta bisa : “Ulanda mester risibí un regalo ku parse loke a pasa na Paris i Bruselas”. Ministerio Públiko na Breda a konfirmá e detenshon. Ta sospecha e muhé ofisialmente di partisipá na un organisashon terorista ku intenshon di kometé aktonan terorista. Den un deklarashon, Efteling a bisa ku nan ta komprondé ku e notisia por kousa pániko, pero gobièrnu no a emití niun komunikado ku nan lo mester adaptá e nivel di seguridat.