Bosnia Herzegovina por bira miembro EU.


Union Europeo a aseptá e petishon di Bosnia Herzegovina pa bira miembro. A entregá e petishon pa miembresia febrüari último. Komishon Europeo a haña e tarea pa inventarisá kiko e pais mester hasi pa por drenta Union Europeo. Loke ta sigur ta ku lo dura algun aña promé ku e miembresia ta un echo. E pais mester praktiká reformanan sosio-ekonómiko, e estado di derecho i atministrashon públiko mester di pas den e stándartnan europeo. Tambe mester duna minorianan étniko den e pais oportunidat pa okupá kargonan polítiko haltu. Bosnia i Herzegovina tin mas o ménos 3.5 mion habitante. Promé minister di Bosnia, Denis Zvizdic a bisa den un promé reakshon ku esaki ta un “momentu históriko”.