Den oranan di djasbra anochi un eksploshon a tuma lugá den e area Chelsea na New York. No ta konosí ainda kiko ta kousa di e eksploshon. Un artefakto a eksplotá den un ko’i sushi i sigur 25 hende ku tabata den bisindario a keda heridá. Den e area tin varios restaurant, sentronan komersial, pakus i galeria.
Ofisialnan no ta papia ainda di un bòm, komo ku no ta muchu kla kiko a kousa e exploshon. Mesora a sera e area i ofisialnan di kas blanku a bisa, ku ya a pone presidente Obama na altura di e insidente. Outoridatnan a usa kachonan ku por determiná un bòm, pa investigá e area. Segun mayor De Blasio di New York, no tin niun indikashon ku ta trata di un akto di terorismo, pero sí ku tabata un akto intenshonal.
