![](https://static.wixstatic.com/media/8d73fb_570ef692c46440c9a7d3359be6046780~mv2.jpg/v1/fill/w_139,h_77,al_c,q_80,usm_0.66_1.00_0.01,blur_2,enc_auto/8d73fb_570ef692c46440c9a7d3359be6046780~mv2.jpg)
E kantidat di morto a konsekuensia di e teremoto na Italia djarason último a yega un total di 278 persona. Sigur 200 hende a pèrdè nan bida na e pueblo Amatrice. Esaki ta loke e media Italiano ta informá. Por lo ménos 400 persona a resultá herida. Gobièrnu italiano a dekretá estado di emergensia den e regionnan ku ta mas afektá debí na e teremoto.
Promé minister Matteo Renzi a akordá 50 mion euro pa rekonstrukshon di e lugánan ku a sufri daño i destrukshon. Renzi a kita impuesto di e abitantenan i a bin ku un inisiativa pa hasi kasnan italiano mas resistente pa teremoto. Víktimanan di e teremoto lo haña un entiero di estado. E presidente italiano Sergio Mattarella i e promé minister Matteo Renzi lo ta presente. Lo rekordá tur víktima di e katástrofe. A dekretá e djasabra di entiero, komo dia nashonal di luto.
![](https://static.wixstatic.com/media/8d73fb_19623963ea784b0ea2b0990c30ac3f29~mv2.jpg/v1/fill/w_144,h_108,al_c,q_80,usm_0.66_1.00_0.01,blur_2,enc_auto/8d73fb_19623963ea784b0ea2b0990c30ac3f29~mv2.jpg)