E fabrikante di outo Toyota a bolbe kuminsá ku produkshon na Venezuela despues di un paro di 6 luna. E reanundashon aki ta di hopi importante pa Venezuela ku aktualmente ta den un reseso profundo. E kompania a sera e fabrika pa motibu di skarsedat di sèn i piesa. Venezuela pa un tempu kaba ta den un krisis ekonómiko. Kompanianan manera Kimberly Clark, Procter & Gamble i Ford ta algun dje otronan ku tambe a para nan produkshon. Debí na e skarsedatnan, produkshon di Toyota a bai atras ku 86% den e prome parti di aña 2016. Mester a importá mayoría piesa pa e outonan. Entretantu a kumisa fabriká e modèlnan Corolla, Hilux i Fortruner. Pa kumisamentu di 2017 mester start ku benta di outo riba merkado lokal i kuminsá ku eksportashon.