E kadena di tienda Macy’s na Merka ta bai sera shen di su negoshinan. Asina e establesimentu a informá durante presentashon di su sifranan di kuartal. Ta trata di 14 porshentu di e kantidat total di tiendanan Macy’s na Merka. E empresa a informá ku e volúmen di benta a baha ku 3,9 porshento te na un suma di 5,9 mil mion di dòler. Den e di dos kuartal di 2016 Macy’s tabatin un ganashi adishonal di 11 mion, kompará ku 217 mion di aña pasá. Meskos ku otro negoshinan na entre otro Hulanda, e kadena di establesimentunan tambe tiné difísil, paso konsumidornan ta kumpra mas i mas via internèt. Segun e empresa, Macy‘s ke bai konsentrá awor riba su lokalidatnan ku mas eksitoso.