150 kas a kima na Madeira.(VIDEO)


Debí na e kandelanan di mondi ku a tuma lugá den e siman akí na Madeira, te ku awor sigur 150 kas a kima por kompletu. Entre otro na e kapital Funchal. E kandelanan a kosta bida di 4 persona. Mas o menos 400 abitante di Funchal mester a pasa anochi atrobe den e kazèrne militar. 300 turista ku a pasa anochi den e stadion di fútbòl di Marítimo, a ser aloká den algun hotèl pafó di e zona di peliger. Brantwer te ainda tin hopi difikultat pa paga e kandelanan. Pa motibu di bientu fuerte i hopi huma no por hasi uzo di avionnan pa paga kandela. Ta sospechá un persona di 23 aña di a kuminsá e kandelanan i entretantu e ta arestá.