Robo mionario di bitcoins.

"Hackernan" a logra drenta den e sistema di Bitfinex, un bolsa di “bitcoin”. “Bitcoin” ta un sorto di valuta sibernetiko ku ta usa pa hasi transakshonnan “online”. Segun ta konosí te ku awor, e “hackernan” a hòrta 119.756 “bitcoin”, ekivalente na mas ku 57 mion euro.

Esei un bosero di Bitfinex a konfirmá na Reddit, un forem riba internèt ku ta bai ofer di desaroyonan relashoná ku “bitcoin”. E robo tabatin di haber ku solamente “bitcoin”, sobrá divisa digital no a ser hòrtá. Ainda no ta masha kla, kon e ‘hackernan’ a logra drenta den e sistemanan di bolsa di “bitcoin”. Bitfinex por lo pronto a para e komèrsio di divisa digital pa evitá ku mas ta wòrdu hòrtá. E empresa a bisa di lo hasi tur loke ta na su alkanse pa haña e “bitcoinnan” bèk i ku nan ta trahando huntu ku outoridatnan pa logra esaki. Den e oranan ku a anunsiá e robo e tasa di kambio di “bitcoin” a baha ku 20 porshentu, di 650 dòler pa “bitcoin” na 540 dòler pa un “bitcoin”, segun informashonnan di e kompania Coindesk.