Segun Julian Assange (WikiLeaks), Rusia no ta tras di e “hackmentu” di Partido Demokrat”.


Publikashon di e dokumentunan di WikiLeaks a proboká retiru di e presidente di e Komité Nashonal Demokrátiko, Debbie Wasserman Schultz.

E kadena di NBS a informá ku e fundadó di WikiLeaks, Julian Assange, a sigurá ku e informashon tokante e partisipashon di Rusia den e publikashon ta falsu. WiliLeaks a filtra 19 mil email i 8 mil 34 archivo agregá, for di kua a sali na kla ku e komité Nashonal di e Partido Demokratiko a tuma parti i influensiá e kampaña preeliminar entre Hillary Clinton i Bernie Sanders.

E lider di e komité a tuma retiru despues di filtrashon di Wikileaks. Assange a deklará: “No tin ningun prueba. Nos no ta revelá nos fuente. I, naturalmente, esaki ta un kortina di huma ku ta sali for di sede di e kampaña elektoral di Hillary Clinton”. E programadó i periodista oustraliano, Assange a indiká ku lo ke di bèrdat ta relevante i lo ke e komentaristanan mester paga tinu riba dje, ta e kontenido. Esta lo ke e dokumentonan ta bisa di Clinton, Sanders i e Partido Demokrátiko.