Hillary Clinton ofisialmente elegí komo kandidato presidensial pa e partido demokrátiko.


Durante konteo, Clinton a haña e 2.382 votonan nesesario. E votamentu tabata un formalidat, ya ku tabata opvio ku Clinton lo a haña e nominashon.

Den e lunanan tras di lomba basta delegado a para tras di e minister anterior di Asuntonan Eksterior durante e elekshonnan preeliminar.

“Historia”, asina Clinton a skibi riba su kuenta di Twitter komo reakshon riba e notisia. Bernie Sanders, ku a haña 1.865 voto durante e konvenshon, a papia komo último na momentu di konteo di e votonan. El a boga pa skohé Clinton unánimamente. Riba e pregunta si Clinton mester bira e kandidato nobo, públiko a grita “sí” den bos haltu.

Ofisialmente Clinton ta e promé kandidato presidensial femenino pa un di e dos partidonan grandi na Estados Unidos. Ainda e mester akseptá e nominashon ofisialmente. Dia 8 di novèmber, dia di Elekshon na Merka, Clinton lo bai kontra Donald Trump.