Tiroteo ku vários morto den sentro komersial na Munchen.


Djabièrnè a surgi un tiroteo den un sentro komersial na Munchen, na Alemania i varios persona a keda asesiná. Segun e korant Abendzeitung e tiroteo a tuma lugá den e sentro komersial Olympia na parti nort di siudat.

Polis a konfirmá na e korant ku tin vários herido. Por a mira hopi hende ta hui for di e sitio. Miéntras tantu ya sentenares di polis a sera e área. A hasi uso tambe di helikòpter den e operashon polisial. Segun testigunan, un terorista lo mester a lòs mas ku 30 bala den e sentro komersial. Segun e medio di prensa AFP tin sigur un morto i vários pèrsona heridá. Polis a sera e área, brantwer tambe ta na e sitio i trahadónan di e sentro komersial no por bandoná e sitio. FOTO : Presensia polisial na e sentro komersial Olympia na e siudat Munchen na Alemania. (kortesia Twitter)