Un hóben di 17 aña a agredí vários pasahero den un trein na e siudat Würzburg na Alemania. Segun e minister di asuntu intèrno, e hóben tabata un refugiado di Afganistan. Polisnan a logra tira e agresor mata ora e tabata trata di hui. Segun bosero di polis, tin tres víktima ku ta gravemente heridá miéntras ku otronan ta levemente heridá. E sobrá 14 pasaheronan a sali ileso i hopi di nan ainda ta den estado di shòk. Djaluna anochi e hóben a ataka vários pasahero ku un machete i kuchú, miéntras nan tabata biaha den trein entre Wüzburg i Heidingsfeld, ku ta keda den nort di Alemania. Motibu dje akto ainda no ta konosí. E hóben a logra hui for di e trein i a trata di agredí polis tambe. I ta aki ku un unidat spesial a logra tira e agresor mata. Aparentemente pa algun tempu e hóben a biba den un sentro pa asilo i resientemente a trasladé pa un famia di kriansa.