Den fin di siman e kooperativa mas grandi na Kòrsou Ambtenaren Credit Union (ACU) a tene elekshon bou di su miembronan pa un direktiva nobo. E hoben Angelo Davelaar, ku den e direktiva anterior a keda elehí komo presidente nobo di ACU. Den deklarashon na TV Direct, Davelaar a mustra riba e kresementu ku dividendo di ACU a konosé den e añanan tras di lomba. Di 3.6%, e dividendo di e koperativa a krese pa 4.1% na 2016 i 5% na 2017. Ta e intenshon di e presidente nobo Davelaar pa sigui traha riba kresementu di ACU na bienestar di su miembronan.