Wardakosta ta firma akuerdo ku Haiti.


Resientemente Wardakosta di e Region di Karibe a firma un akuerdo (Letter òf Intent) ku Haiti. E akuerdo ta kontené apoyo mutuo durante insidente òf katástrofe riba laman i tambe pa ehekutá ehersisionan riba laman huntu. Banda di e trabou di investigashon wardakosta tin e funshon pa duna yudansa tambe. Por ehèmpel wardakosta ta duna yudansa na un área grandi konosí komo Search and Rescue, ku ta keda den e área nort di Aruba, Boneiru i Kòrsou. E área aki ta hasi frontera tambe ku otro paisnan manera Venezuela, Colombia, Jamaica, Haiti, Repúblika Dominikana i Estado Unídos. Ku mayoria di e paisnan ei ya kaba tin un akuerdo. Kuminsamentu di e aña aki a kuminsá ku negosiashonnan ku Haiti. Awor ku a yega ku un akuerdo ku Haiti por kuminsá ku e trayekto. E intenshon ta pa sera un akuerdo similar tambe ku Jamaica.