Defensa di e pareha Schotte-van der Dijs, mr.Knoops a pidi pa hasi un investigashon digital forénsiko den kaso Babel. Kaso Babel ta e kaso kontra lider di partido polítiko MFK, Gerrit Schotte i su pareha Cicely van der Dijs. Nan a keda sentensiá pa aktonan di korupshon, labamentu di plaka, falsifikashon i denunsia falsu. Lo hasi e investigashon digital riba faktura ku a haña riba e kòmpiuter di Schotte i van der Dijs, ku wes den promé instansia a dikta ku nan ta falsifiká. E di dos investigashon ta riba finansiamentu di partidonan polítiko. A pidi tambe investigashon di un akountent forénsiko pa duna un bista riba e fluho di plaka pa loke ta trata e sospecho riba falsifikashon, labamentu di plaka i soborno di ámtenar. Defensa a pidi entre 3 pa 4 luna pa finalisá e investigashon. Korte di apelashon a duna te 26 di febrüari 2017 pa presentá e investigashonnan na ministerio públiko. Despues di esaki Ministerio Públiko ta haña un luna pa duna nan kontra deklarashon.