Orario nobo pa hasi denunsia.


Entrante promé di novèmber por hasi denunsia di un echo kastigabel simpel entre och’or di mainta i och’or di anochi. Por hasi denunsia na un di e sinku wardanan di polis, ku ta Barber, Rio Canario, Punda, Otro Banda i Montaña. 
 Aktonan ku ta keda konsiderá komo echonan kastigabel simpel ta:

· Echonan baldadi (vandalismo)

· Destrukshon

· Ladronisia, inkluso di outo

· Sendementu di kandela

· Menasa

· Maltrato sin arma di kandela

· Malversashon

· Violensia den esfera relashonal.

Den kaso di kiebro den kas òf negoshi i si yama 917, polis lo bini na e bibienda òf establesimentu i lo tuma keho na e sitio mes. Den tur otro kaso, polis lo referí e denunsiante na e warda di polis ku ta mas serka di dje pa hasi su keho. Den kasonan eksepshonal i di urgensia polis lo tuma keho na warda den oranan di anochi.