Hulanda ku ekonomia mas kompetitivo den Union Europeo.


E aña aki Ulanda tin e ekonomia mas kompetitivo den Union Europeo. Ulanda a subi un posishon, riba e lista mundial, di puesto number 5 pa 4 i ta pasa pais bisiña Alemania. Esaki a resultá di un investigashon nobo di e World Economic Forum (WEF). Suisa, Singapore i Estádos Unídos ta enkabesá e lista akí. Den e publikashon anual, ta analisá 138 pais. Segun profesor Henk Volberda di Rotterdam, Ulanda tin e puesto haltu aki debí na e bon infrastruktura, salubridat i nivel haltu di enseñansa. Ademas Ulanda ta al dia ku desaroyonan teknológiko. E instituto Inscope di Volberda ta kolektá informashon na Ulanda pa e estudio di WEF. E úniko aspekto ku Ulanda ta kai atras riba dje ta e servisio finansiero di bankonan na komersio, segun e profesor. E ta indiká ku e parti di duna fiansa na kompanianan chikí i medio por ta muchu mas mihó.