top of page

Organisashon di Oscars ta pidi despensa pa fayo.(VIDEO)


E organisashon Academy of Motion Picture Arts and Sciences a pidi despensa pa e fayo grandi ku a kometé durante e seremonia di Oscars ku a tuma lugá den fin di siman. E ofisina di akountent Pricewaterhouse Cooper (PwC) a pidi despensa kaba.

Dor di un fayo, a anunsiá e pelíkula La La Land i no Moonlight, komo ganadoó di e Oscar pa mihó pelíkula. Den un deklarashon e Akademia a lamentá e fayo. Nos ta pidi nos diskulpa na e elenko i tim di tantu La La Land komo Moonlight, pa e fayo afektá e momentu pa nan. Nos ta aploudí e dignidat ku nan tur a demostrá bou di e sirkunstansianan. E akademia a pidi diskulpa tambe na e dos aktornan Faye Dunaway i Warren Beatty, ku a risibí e ènvelòp i a anunsiá e nòmber robes. E akademia a enfatisá den nan deklarashon ku PwC a tuma tur responsabilidat riba nan dor di a faya ku e protokòl. Hinter e elenko di La La Land tabata riba esenario i tabata lesa nan palabranan di gradesimentu na momentu ku Jordan Horrowitz, ku ta produktor di La La Land a kita e mikrofon i anunsiá ku tin un fayo.

Banda di e fayo, ku a marka historia pa e premio mas grandi den sinematografia, e anochi tabatin hopi ganadónan diverso. Moonlight, un pelíkula tokante un hòmber di koló homoseksual a bai ku e premio pa mihó pelíkula. Ademas Mahershala Ali a gana tambe pa mihó Aktor di Reparto. Tambe un di e streanan di e pelíkula a bira e promé aktor mòslem ku ta gana un Oscar. E mihó Aktris di Reparto a bai pa Viola Davis, pa su ròl den e pelíkula Fences. Davis a marka historia komo e promé muhé koló skur pa gana un Oscar, un Emmy i un Tony pa aktuashon. Aña pasá e premionan Oscars tabata rondoná pa hopi kontroversia, despues ku durante dos aña, únikamente aktornan blanku a gana den e kuater kategorianan mas importante. Lista di ganadónan:

Mihó Pelíkula : Moonlight Mihó Aktor : Casey Affleck den Manchester by the Sea Mihó Aktris : Emma Stone den La La Land Mihó Aktor di Reparto : Mahershala Ali den Moonlight Mihó Aktris di Reparto : Viola Davis den Fences Mihó Direktor : Damien Chazelle pa La La Land Mihó Sinematografia : La La Land Mihó Pelíkula Animá : Zootopia Mihó Pelíkula Animá Kòrtiku : Piper Mihó Dokumentario : O.J. Made in America Mihó Dokumentario Kòrtiku : The White Helmets Mihó Kansion : City of Stars den La La Land Mihó Guion Original : 20th Century Women Mihó Guion Adaptá : Moonlight Mihó Diseño di Produkshon : La La Land Mihó Pelíkula den Idioma Ekstranhero : The Salesman di Iran Mihó Efektonan Visual : Jungle Book Mihó Editing : Hacksaw Ridge Mihó Makiyahe i Kabei : Suicide Squad

Mihó Diseño di Trahe : Fantasic Beasts and Where To Find ThemMihó Editing di Zonido : Arrival Mihó Mixing di Zonido: Hacksaw Ridge

bottom of page