![](https://static.wixstatic.com/media/8d73fb_5e8653204a3d4f4d8aff64d705b9eedd~mv2_d_2732_2048_s_2.png/v1/fill/w_49,h_37,al_c,q_85,usm_0.66_1.00_0.01,blur_2,enc_auto/8d73fb_5e8653204a3d4f4d8aff64d705b9eedd~mv2_d_2732_2048_s_2.png)
Na 2019 ta sali un album nobo di Prince ku material ku no a keda publiká promé.
E produkshon lo ta optenibel via e servisio di ‘stream’ Tidal. Asina famia di Prince i Tidal, ku ta propiedat di Jaz-Z, a duna di konosé. Den e siman ku a pasa, wes a determiná ku no ta nesesario pa tin un kaso den korte riba ken tin e derechonan pa saka e materialnan di Prince. Den un komunikado ku nan a saka huntu, tantu famia di e artista komo Tidal a bisa ku pa e promé dos simannan, lo por skucha e album nobo solamente via Tidal. Despues lo lansa e produkshon mundialmente.
“Nos meta ta pa kompartí e músika di Prince ku su fanatikonan, manera Prince mes lo a deseá. Ku e selekshon di kansion ku lo sali riba e produkshon nobo, nos lo respetá e herensia i deseonan di Prince’, asina Jaz-Z a bisa den un promé reakshon.
Prince a fayesé dia 21 di aprel 2016, debí na un oferdosis di kalmante.
![](https://static.wixstatic.com/media/8d73fb_db03d12ad6ed4e4ba01434d8d66590c1~mv2.jpg/v1/fill/w_147,h_109,al_c,q_80,usm_0.66_1.00_0.01,blur_2,enc_auto/8d73fb_db03d12ad6ed4e4ba01434d8d66590c1~mv2.jpg)