World Baseball Classic ta start di 6 di mart.


World Baseball Classics of Klásiko Mundial di Beisbòl ta un torneo internashonal di beisbòl. E torneo ta keda hungá bou di e Konfederashon Mundial di Beisbòl i Sòftbòl (WBSC) i ta kreá pa Major League Baseball (MLB), e Asosiashon di Hungado den Mayor League Baseball (MLBPA) i otro liganan profeshonal di beisbòl rònt mundu. Ántes e torneo tabata kai huntu ku beisbòl olímpiko (te ku 2008 i lo keda reintrudusí na 2020) i Kopa Mundial di Beisbòl (te ku 2011) bou di Federashon Internashonal di Beisbòl. A suspendé ámbos torneo na fabor di World Baseball Classics. Esei ta nifiká ku for di e edishon último na 2013, e ganadó di e torneo alabes ta keda rekonosé komo e kampion mundial. E torneo ta e promé den su tipo kaminda ekiponan nashonal di beisbòl ta konta ku hungadónan profeshonal den e liganan di mas importante di mundu, inkluso hungadónan di Liga Grandi. E promé evento a tuma lugá na mart di 2006. Na 2009 e di dos edishon i despues di esaki a disidí di laga e torneo tuma lugá kada kuater aña. Na 2013 Repúblika Dominikana a gana e torneo. E aña aki Kingdom of Netherlands ta bolbe partisipá i ta konta ku vários strea yu di Kòrsou den beisbòl.