Resientemente e fèlt di futbòl na Sentro Deportivo Kòrsou (SDK) a keda renobá despues ku a destruí esaki durante un konsierto ku a tuma lugá na aña 2016.
Gobièrnu di Kòrsou den koperashon ku Reda Sosial, FDDK i SDK ofisialmente ta anunsiá ku e bunita fèlt di futbòl a keda kla despues di hopi trabou intensivo. A kita e yerba artifisial i tur materialnan ku tabatin bou di esaki. A pone un fondo nobo i instalá yerba artifisial. Awor pueblo di Kòrsou, spesial futbolista i atletanan por hasi uzo atrobe di e fasilidat. Gobièrnu ta pidi pueblo pa huntu yuda mantené e fèlt limpi i nèchi pa asina un i tur por sigui disfrutá di dje sanamente.
