Kuater partido a aserka Eugene Cleopa pa bai elekshon.

Den e dianan ku ta tras di lomba, kuater partido a aserká Eugene Cleopa pa djòin un organisashon polítiko. Despues ku e delaster elekshon a tuma lugá dia 5 di novèmber, Cleopa ku tabata parlamentario pa Partido PAIS den pasadó, a entregá su retiro na direktiva di e partido. Den elekshon pasá Eugene Cleopa a hala 622 voto. Den deklarashon na Notisia CBA, Cleopa a splika ku e no a disidí ainda pa organisashon polítiko e lo skohé. E lo ke konsultá ku su grupo di sosten pa mira kiko ta e mihó desishon pa e tuma. Tin indikashon ku un di partidonan ku sigur Cleopa a sinta na mesa kun’é, ta partido MAN. Cleopa a bisa mas aleu ku e no a spera ku lo a bin elekshon asina pronto, pero di tur manera loke sí ta sigur ta, ku Eugene Cleopa lo partisipá na elekshon di 28 di aprel awor.