![](https://static.wixstatic.com/media/8d73fb_7df63048acab4027ae3816b0dd473d5d~mv2.jpg/v1/fill/w_147,h_118,al_c,q_80,usm_0.66_1.00_0.01,blur_2,enc_auto/8d73fb_7df63048acab4027ae3816b0dd473d5d~mv2.jpg)
Durante entrega di e premionan Grammy, ku a tumá djadumingu último, e kantante Adele a gana den e kategoria importante di 'Album Of The Year'. Beyoncé tambe tabata nominá den mesun kategoria. Beyonce a parse di no tabata mashá impreshoná. Adele, ku a gana e premio, tabatin masha elogio pa Beyonce na momentu ku el a tuma su premio.
Adele a haña sosten dje legendario guitarista Carlos Santana. "Mi ta kere ku Adele a gana, pasó e sa kanta," asina Santana a bisa e Australian Assosiated Press. "Ku tur rèspèt pa Beyonce, pero e ta mas bien un modelo ku ta hasi músika," Santana a añadí. Segun e guitarista mehíkano, Beyonce ta usa triki.
"Adele por kanta i no e tin mester di hopi bailarina i show riba tarima. E por para kanta sin nada i esei el a hasi, esta para kanta sin hopi show ni bailarina," Santana a sigui.
E deklarashonnan di Santana a kousa basta konsternashon, loke a pone ku el a klarifiká un ke otro via retnan sosial. "Tabata mi intenshon pa felisitá Adele. Mi tin hopi apresio pa Beyonce", asina Carlos Santana a bisa su fanatikonan.