top of page

MAN ke bin ku proposishon di lei pa penshun básiko obligatorio.


E frakshon di MAN den parlamento ke sigui amplia riba un proposishon pa yega na un lei di penshun básiko. Ku e meta aki a aserka presidente di Parlamentu Giselle McWilliam ku un petishon pa hür un komishon eksterno di eksperto pa kuminsá ku preparashon di e lei. Den e petishon ta pidi pa krea e medionan finansiero pa trabounan di e komishon. E petishon di MAN ta indiká un montante di 60.000 florin pa e komishon. E montante aki mester paga kostonan di konsulta i apoyo hurídiko. MAN a apuntá Yaël Plet komo esun ku lo trèk e komishon. Den un splikashon Plet a indiká ku den parlamento tin falta di e konosementu huridiko pa prepará un lei asina kompliká. Plet a sigui bisa ku un petishon asina no ta nada nobo ya ku den pasado miembro di parlamento, ku yudansa di ekspertonan, a traha un rapòrt riba obesitas pa e 5 islanan di anterior Antia Hulandes. Pa e motibu ei e ke aserka personanan ku tin konosementu di e materia. Presidente McWilliam a konfirmá ku el a risibí e rapòrt i ta bisa ku e opshon pa aserka ekspertonan ta un posibilidat ku ta eksistí pero ta unu ku no ta uzá hopi. Ta un tópiko importante tokante un penshun básiko obligatorio. Aktualmente tin demasiado hende ku ta haña solamente penshun di AOV. Den e diskushon mester tene na kuenta tambe e situashon delikado di e fondo di aov/avv. For di temporada ku minister presidènt aktual Hensley Koeiman tabata minister di Desaroyo Sosial, Labor i Bienestar (2010-2012), el a boga pa un e lei aki.

bottom of page