LeBron ta yuda Cavaliers para e racha di Wizards. (VIDEO)


Siman ta habri i Cleveland Cavaliers a pone un fin na un racha di 17 viktoria tras di otro di e ekipo di Washington Wizards. Esaki a sosodé den kas di Wizards mes. Pa por a logra e viktoria, e aktual kampion di NBA, tabatin mester di un salida milagroso.

I tabata LeBron James ku den tempu regular a skor un 3-punto, di un manera tremendo. E hugada di LeBron a empata e partido na 120 punto i pa bai tempu èkstra. Den prolongashon Cleveland ‘Cavs’ a logra e viktoria ku skor di 140-135.

James a kaba e partido ku 32 punto i tabatin diesshete asistensia. Su kolega di ekipo, Kevin Love tambe tabatin un tremendo partido ku 39 punto anotá i diesdos “rebound”. Kyrie Irving a kontribuí ku 23 punto. El a nota kasi mitar di su puntonan den tempu èkstra. Awor Cavaliers ta bai na kabes den divishon ost ku 35 viktoria i 15 derota.