
Tin hopi eskpektativa pa Miss Universe Curaçao Chanelle de Lau den e sertamen di beyesa ku ta tuma lugá djaluna mainta (ora lokal) na Filipinas. Na Kòrsou e sertamen lo pasa djadumingu anochi 8or. Den e siman tras di lomba Chanelle tabata kontá entre e 12 faboritonan fuerte pa bai ku e korona. Esaki ta di dos aña ku Cordja Stars ta logra pa e kandidata di Kòrsou ta entre e faboritonan. Chanelle tabatin un bon presentashon den e diferente aktividatnan preliminar na e gran anochi di sertamen. Den vários enkuesta “online” kaminda públiko por a vota, Chanelle de Lau a skor hopi bon. Tur e logronan akí ta hasi e espektativa aun mas fuerte pa e presentashon di Chanelle de Lau. Na Kòrsou tur hende por mira e sertamen den HD riba kanal 441 di TDS. Riba kanal 480 por mir’é den “standard definition”. E aña aki atrobe e sertamen lo ta kondusí pa Steve Harvey.