A detené 22 venezolano ku a trata na drenta Kòrsou ilegal.


Den e siman akí, miembronan di wardakosta den kooperashon estrecho ku kuerpo polisial, a detené 22 persona ku a trata na drenta Kòrsou di forma ilegal, den un boto. Tambe a deskubrí i konfiská marihuana ku tabatin den e boto.

Masomenos 2or di mardugá, e boto Jaguar di wardakosta, a mira un kontakto sosechoso riba radar, na seis miya sùit di Kòrsou. Mesora a manda un patruya ku un SuperRhib for di e punto di sosten di wardakosta. Na masomenos 3.5 miya na e parti sùit di Bahia Santa Ana, a lokalisá un boto sin lus ku e nòmber Eduardoño ku tabtin vários persona na bordo. Di e 22 personanan, tres ta hende muhé i sobrá hende hòmber. Tur e personanan tabata indokumentá i di nashonalidat venezolano. A entregá nan tur na polis, ku huntu ku wardakosta tin e kaso aki den investigashon.