Djabièrnè anochi a surgi un insidente na altura di e negoshi De Heren, na momentu ku polis a duna òrdu na un outomobilista pa sigui kore. A surgi un interkambio di palabra i fòrsageo entre polisnan ku mester a hasta basta kos pa baha e hòmber Michael Cijntje. for di su outo. (video) Cijntje ta ‘station manager’ na Radio i TV Direct, ademas e presentá e popular programa Kab’ei Boto na e planta. Según su vershon ta e aktitut di e polis ku atendé a kousa ku e kos a sali fo’i man. A hiba e hòmber i su pareha warda di polis na Rio Canario, kaminda segun fuentenan a splika redakshon di NaPapiamentu.com, el a hasi basta ònbeskòp na su yegada. E tabata pidi nan pa kita su boei pa atendé ku agente polisial. Aparte di basta palabra malu den direkshon di outoridat e lo mester a skòp stul den e warda di polis i rebeldiá bastante.
Despues di a duna su deklarashon polisnan a laga e hòmber den libertat.