Rod Stewart i Cindy Lauper riba gira.


E legendario kantantenan Rod Stewart i Cyndi Lauper ta bai di gira huntu na Merka. Dia 6 di yüli próksimo nan ta kuminsá na e siudat Hollywood na Florida i lo kaba despues di masomenos un luna na Houston na Texas. Segun e revista Rolling Stone, e artistanan lo duna mas detaye di nan gira den e simannan ku ta bin. E leyenda di ròk, Stewart di 72 aña tabatin un presentashon aña pasa na Amsterdam. E ta konosí pa piesanan manera You Wear It Well, Maggie May, Da Ya Think I'm Sexy, Baby Jane, The First Cut is the Deepest, I Don't Want To Talk About It, Tonight's The Night i Sailing. Ku 200 mion álbum bendí rònt mundu, e britániko ta un di e artistanan ku a bende mas álbum den historia. Na 2015 el a lansa su álbum mas resien Another Country. Aña pasá Cindy Lauper di 63 aña a saka su álbum Detour. Lauper ta konosí pa piesanan manera Girls Just Want To Have Fun i Time after Time.