Basá riba dokumentunan ku TMZ tin, e aktor Cuba Gooding Jr. ke diborsiá di su kasá Sara Gooding. Na 2014, e pareha a disidí na separá despues di un matrimonio di 20 aña, pero awor e aktor di e serie riba bida di O.J.Simpson ke un diborsio ofisial. E ta dispuesto na paga Sara Gooding alimentashon di pareha, pero nada mas.
Cuba Gooding Jr. no tin idea di kompartí su propiedatnan, ni e entradanan ku el a gana despues ku e pareha a separá na 2014. Aparentemente Gooding Jr. a gana masha hopi sèn ku su ròl komo O.J. Simpson den e seri. Cuba Gooding Jr. i Sara Gooding a kasa na 1994 i tin tres yu.